ÜƏMT QLOBAL İNNOVASIYA İNDEKSİNİN İNNOVASİYA GÖSTƏRİCİSİ KİMİ EFFEKTİVLİYİ: CƏNUBİ QAFQAZ VƏ SEÇİLMİŞ LATIN AMERİKASI ÖLKƏLƏRİNİN Qİİ MƏLUMATLARININ TƏHLİLİ

Xülasə

Tədqiqat işi 2013–2023-cü illər ərzində Cənubi Qafqaz və Latın Amerikası ölkələrinin seçilmiş qrupuna 
aid Qlobal İnnovasiya İndeksi (Qİİ) məlumatlarının hərtərəfli və sistemli təhlilini təqdim edir. Müxtəlif  innovasiya sistemləri üzrə nəticələrin müqayisəliliyini təmin etmək və məlumatların normallaşdırılmasına 
şərait yaratmaq məqsədilə geniş ölkə seçimi aparılmışdır. Tədqiqat milli innovasiya ekosistemlərinin güclü 
və zəif tərəflərini araşdırır və vahid ölkələrarası müqayisələrin çətinliklərini Qİİ-nin standartlaşdırılmış və 
beynəlxalq səviyyədə tanınmış çərçivəsindən istifadə etməklə aradan qaldırır. Avropa Komissiyasının 
Avropa İnnovasiya Cədvəli metodologiyasına uyğunlaşdırılmış qabaqcıl statistik üsullara əsaslanaraq, 
seçilmiş ölkələrin göstəriciləri qiymətləndirilmiş, onlar innovasiya kateqoriyalarına təsnifləşdirilmiş və 
siyasət inkişafı üçün elmi əsaslara söykənən nəticələr əldə edilmişdir. Bu tədqiqatın fərqləndirici cəhəti iki coğrafi və iqtisadi baxımdan müxtəlif regionun müqayisəli araşdırılmasında cəmləşməsi və bununla da 
innovasiya yönümlü inkişaf üçün yeni və praktik siyasət tövsiyələri irəli sürməsidir. Təhlil Qİİ-nin əsas 
komponentlərini parçalayaraq onların həm güclü, həm də zəif tərəflərini üzə çıxarır və kontekstə uyğun 
tövsiyələr təqdim edir. Tədqiqat seçilmiş ölkələrin sıralanması ilə tamamlanır və milli, həmçinin regional 
innovasiya siyasətinin formalaşdırılması üçün dəyərli töhfə verir. Müəlliflərin məlumatına görə, bu, 
Cənubi Qafqaz ölkələrinin innovasiya göstəricilərini Latın Amerikası ölkələrinin nəticələri ilə sistemli və 
aydın şəkildə müqayisə edən ilk elmi araşdırmadır.