ELMİ POTENSİALIN GÜCLƏNDİRİLMƏSİ SAHƏSİNDƏ TƏŞVİQ MEXANİZMLƏRİNİN AKTUALLIĞI, BU SAHƏDƏ BEYNƏLXALQ TƏCRÜBƏ VƏ İNKİŞAF PERSPEKTİVLƏRİ

Xülasə

Bu məqalədə elmi potesialin gücləndirilməsi sahəsində təşviq mexanizmlərinin aktuallığı, bu sahədə beynəlxalq təcrübə və inkişaf perspektivləri araşdırılmışdır. Məqalənin giriş hissəsində elmin təşviqi və elmi-tədqiqat fəaliyyəti üçün əlverişli şəraitin yaradılmasının aktuallığı əsaslandırılır. Hər bir ölkədə elmin müasir dövrün tələblərinə uyğun şəkildə inkişaf etdirilməsinin həmin ölkənin dayanıqlı sosial-iqtisadi inkişafının ən mühüm şərtlərindən biri olduğu vurğulanır. Daha sonra elmi potesialın gücləndirilməsi sahəsində təşviq mexanizmlərinin formalaşdırılması sahəsində beynəlxalq təcrübə təhlil edilir. Eyni zamanda, həmin mexanizmlərin daha da təkmilləşdirilməsi baxımından həyata keçirilməsi zəruri olan tədbirlər göstərilir və bu istiqamətdə bir sıra təklif, rəy və mülahizələr ifadə edilir.