AZƏRBAYCANDA QEYRİ-NEFT SEKTORUNDA KOS-LARIN İNKİŞAFININ STİMULLAŞDIRILMASI

Xülasə

Məqalədə, Azərbaycanda qeyri-neft sektorunda kiçik və orta sahibkarlıq subyektlərinin (KOS) inkişafının 
stimullaşdırılması istiqamətləri geniş şəkildə təhlil olunur. Müəllif qeyd edir ki, KOS-lar müasir 
iqtisadiyyatın mühüm hərəkətverici qüvvəsidir və onların fəaliyyəti iqtisadi şaxələndirmə, məşğulluğun 
artırılması, regional inkişafın təmin olunması, ixrac potensialının genişləndirilməsi və innovasiya 
fəaliyyətinin gücləndirilməsi baxımından strateji əhəmiyyət daşıyır. KOS-lar iqtisadiyyatın çevikliyini 
artırmaqla yanaşı, sosial rifahın yaxşılaşdırılmasına da mühüm töhfə verir. 
Araşdırmada qeyd olunur ki, son illərdə Azərbaycan hökuməti tərəfindən həyata keçirilən iqtisadi 
islahatlar və sahibkarlığın dəstəklənməsi tədbirləri nəticəsində qeyri-neft sektorunun ÜDM-də payı 2010
cu illə müqayisədə əhəmiyyətli dərəcədə artaraq 65–67%-ə çatmışdır. KOS-ların iqtisadi fəallığı, regional 
təsiri və innovativ potensialı da yüksəlməkdədir. Bununla belə, onların inkişafını məhdudlaşdıran 
problemlər hələ də qalmaqdadır. Maliyyə resurslarına çıxışın məhdudluğu, kredit faizlərinin yüksəkliyi, 
texnologiya və innovasiyalara zəif inteqrasiya, infrastruktur problemləri, idarəetmə bacarıqlarının və insan 
kapitalının çatışmazlığı, eləcə də beynəlxalq bazarlara çıxışdakı çətinliklər KOS-ların potensialını tam 
reallaşdırmağa imkan vermir.  
Məqalədə, bu problemlərin aradan qaldırılması üçün əsas stimullaşdırıcı istiqamətlər müəyyən edilmişdir. 
Buraya dövlət dəstək mexanizmlərinin təkmilləşdirilməsi, vergi və inzibati prosedurların sadələşdirilməsi, 
rəqəmsallaşma və innovativ təşəbbüslərin təşviqi, ixrac missiyalarının və beynəlxalq əməkdaşlığın 
genişləndirilməsi, regionlarda infrastrukturun və insan kapitalının inkişafı daxildir. 
Nəticə olaraq, KOS-ların inkişafının stimullaşdırılması Azərbaycanın iqtisadi təhlükəsizliyinin, dayanıqlı inkişafının və sosial rifahının təmin edilməsi üçün mühüm amil kimi qiymətləndirilir. KOS-ların gücləndirilməsi həm iqtisadiyyatın neft gəlirlərindən ası