TƏHSİL SİSTEMİNDƏ TƏDQİQATLARIN MALİYYƏLƏŞDİRİLMƏSİNƏİNNOVATİV YANAŞMALAR

Xülasə

Ali təhsil sistemində tədqiqatların maliyyələşdirilməsi elmi fəaliyyətin davamlılığını təmin edən əsas

amillərdən biridir. Ənənəvi maliyyələşdirmə modelləri dövlət büdcəsindən asılılıq, iqtisadi qeyri-
sabitlik və özəl sektorun məhdud iştirakı kimi problemlərlə üzləşir. Nəticədə tədqiqatların

maliyyələşdirilməsində alternativ yanaşmaların sınaqdan keçirilməsinə ehtiyac yaranır. Beynəlxalq
təcrübədə və ölkədə tətbiq edilən tədqiqatların cari maliyyələşdirmə mexanizmlərinin təhlili onların güclü və zəif tərəflərin müəyyənləşdirilməsi üçün önəmlidir. Bu məqalədə ali təhsil müəssisələrinin
maliyyələşdirilməsi üçün institusional və layihə əsaslı maliyyələşdirmə modelləri, performansa əsaslanan maliyyələşdirmə sistemi, mükəmməllik universitetləri təşəbbüsü kimi müxtəlif yanaşmalar
araşdırılır.