DOCKER VƏ KONTEYNERLƏŞDİRİLMƏ TEXNOLOGİYASININ MÜASİR PROQRAM İNKİŞAFINDA ROLU

Abstract

Bu məqalədə, proqramların inkişafı prosesində konteyner texnologiyalarının, xüsusilə Docker-in əsaslarını və tətbiq sahələri araşdırılır. Konteyner texnologiyaları ənənəvi virtual maşınlardan fərqlidir. Konteyner texnologiyaları tətbiqlərin asanlıqla daşınmasını və istənilən mühitdə problemsiz formada işləməsini təmin edir. Docker texnologiyası ilə proqram təminatının inkişafı və yayılması proseslərində inqilabi dəyişikliklər meydana gəlmişdir. Docker texnologiyası istifadəçiyə sadə arxitektura və idarəetmə imkanları təqdim edir. Məqalədə konteyner və Docker texnologiyalarının istifadəsinin üstünlükləri və səmərəlilikləri araşdırılmışdır. Həmçinin məqalə də Docker-in əaəs komponentləri haqqında məlumatlar qeyd edilib. Araşdırmanın nəticəsi olaraq konteynerlərin müasir proqramlaşdırma dünyasında resurs səmərəliliyini artırdığı və mühitdən asılılığı azaltdığı təsdiqlənmişdir.