QLOBAL-İQTİSADİ ÇAĞIRIŞLARIN TƏHLİLİ VƏ İQTİSADİ BƏRPAMEYİLLƏRİ

Abstract

Bu tədqiqatda koronavirus pandemiyası ilə əlaqədar dünya iqtisadiyyatında

formalaşmış qlobal çağırışlar qiymətləndirilmiş, o cümlədən Azərbaycan iqtisadiyyatına təsirlər ilə bağlı əsas tendensiyalar araşdırılmışdır. Məqalədə pandemiya və digər əlaqəli proseslərin makroiqtisadi sabitlik üzərindəki təsirləri həm dünya həm də ölkə iqtisadiyyatı baxımından bir sıra statistik məlumatlardan istifadə edilərək qiymətləndirilmişdir. Ümumilikdə ölkə iqtisadiyyatının əsas meyilləri real sektor, monetar və fiskal sektor olmaqla ayrı-ayrı əsas parametrlər üzrə qarşılıqlı əlaqədə təhlil edilmiş, o cümlədən bir sıra beyəlxalq maliyyə təşkilatlarının dünya və Azərbaycan iqtisadiyyatı üçün gözlənilən proqnozlarından istifadə edilərək müqayisəli təhlil aparılmışdır. Eyni zamanda ortamüddətli dövrdə iqtisadi inkişafın bərpa meyillərinin sürətləndilməsi fonunda hazırki sosial-iqtisadi dəstək tədbirlərinin önəmi qeyd olunmuş, kontrtsiklik fiskal siyasətin həyata keçirilməsinin vacibliyi vurğulanmışdır. Təqdim edilən işdə makroiqtisadi sabitlik qarşısında formalaşan təhdidlər öz əksini tapmış, həmçinin postpandemiya dövründə dayanıqlı inkişafı təmin etmək üçün başlıca prioritet istiqamətlər göstərilmişdir.