AZƏRBAYCANDA SƏNAYE MÜƏSSİSƏLƏRİNDƏ MALİYYƏ VƏİNVESTİSİYA RESURSLARININ FORMALAŞMASI İMKANLARI

Abstract

Məqalədə maliyyə və investisiya resurslarının formalaşmasına dair mexanizm nəzərdən keçirilmiş və Azərbaycanda bu mexanizmin formalaşması mənbələri göstərilmişdir. Həmin mənbələr kimi mövcud mineral ehtiyatlarından formalaşan maliyyə və investisiya resursları, xarici investisiya axını nəticəsində formalaşan maliyyə və investisiya resursları, maliyyə və investisiya infrastrukturuna malik müəssisələrin (bankların, fondların, investisiya şirkətlərinin və s.) fəaliyyəti nəticəsində yaranan maliyyə və investisiya resursları, əhali və ev təsərrüfatı ilə bağlı maliyyə və investisiya resursları, istehsalat fəaliyyəti və sənaye müəssisələrinin mülkiyyətindən qaynaqlanaraq formalaşan maliyyə və investisiya resursları olduğu məlum olmuşdur. Göstərilən mənbələr üzrə təhlillər aparılmış meyillər müəyyən edilmişdir. Konkret olaraq belə təhlillərdən biri Azərbaycanda sənayedə əsas kapitala yönəldilən investisiya ilə sənaye məhsulunun həcmi arasında xətti əlaqənin təhlili olmuşdur. Qurulan model 2005-2019-cu illəri əhatə etmiş və məlum olmuşdur ki, sənayedə investisiya qoyuluşlarının 1% artması ilə sənaye məhsulunun son artıma meyilliliyinin həcmi 0.8%-ə bərabər olar.